Abteilungsleitung

Julie Parrat / Thaleia

Hallo Zämme ich bi d Thaleia,

Ich bi sit ich 5 Johr alt bi sehr begeisteret bi dr Pfadi Rynach tätig. Mittlerwile bin ich mit dr Manzanilla Abteiligsleiterin und sehr happy drmit. Mir machts sehr spass, tolli sache könne z plane im Leitigsteam und de Kinder und au de Leiter so e freud zmache.
Näb minere lang Pfadikarriere ha ich e Usbildig als Coiffeuse gmacht und schaff jetzt bi dr
Firma Keune als Fachtrainerin.
Ich freu mi uf witeri erläbnisrichi Zite mit euch in de negschte Johr…

Estelle Favrod / Mazanilla

Hallo zemme J Mi Name isch Manzanilla und ich bi in de Abteiligsleitig vo de Pfadi Rynach St. Nikolaus. Ich bi sit über 10 Joor in de Pfadi und es macht mir immer no sehr viel Spass. An de Aktivitäte bin ich zemme mit de Wölfli und de Wölfli-Leiter unterwegs. Ich ha mi damals entschiede im Wölfli-Team z’leite, will ich immer wieder fasziniert bi vo de Kreativität und de Vorstelligskraft vo de Kinder, wenns um d’Gschichte goht, wo mir immer wieder an de Aktivitäte und in de Lager erlebe. Do ich spöter gern würd Lehrerin werde, studier ich momentan Gschicht  und Französisch an de Uni Basel.