Pfadistufe

Stufenleitung

Andrin Caviezel / Viento

Sit 2006 bin ich in de Pfadi. Als kleins Wölfli ha ich agfange und bi jetzt vili Joor spöter im Leitigsteam acho. Pfadi isch für mich im Wald go Füür mache, mitenand Spiel spiele wo me nur in de Pfadi kennt, wieder mol d Wält vo de böse Aliens rette oder d Mafia z’besiege, imene zweiwüchige Zeltlager die puuri Natur z’erläbe. In de Pfadi cha me sich vom Alltag trenne und eifach öppis anders mit vielne tolle Lüt unternäh. Es git vieli Erläbnis wo mir in Erinnerig bliebe sind: Taufi, Lager, bsunderi Aktivitäte. Und ich hoff ich cha au no in de Zuekunft viel neus erläbe wo mir au denn in Erinnerig bliebe wird.
Mi Pfadiname Viento heisst Wind uf spanisch. Ich bi zwar meist chle de Ruhigeri und im Hintergrund aber ich cha trotzdem e grosses Segelschiff voratriebe. So hoff ich au die Abteilig in voller Fahrt chönne z’bhalte und gib mis Beste, e cools Program und neui Projekt uf d Bei zstelle.

Leiter

Robin Härri / Vinur

 

 

 

 

 

Hallo zämme ich bi dr Vinur und bi Leiter bi dr Pfadi Stuefe. Dir träffed mi au oft an de Aktivitäte ah da mir d Pfadi sehr Spass macht :-)

Mario Zenuni / Sueño

Hallo alle Zusammen

Ich bin Mario Zenuni alias Sueno. Sueno ist spanisch und bedeutet Träumer. Wie mein Pfadiname schon sagt bin ich manchmal ein bisschen verträumt und manchmal auch ein bisschen verplant. Ich bin seit dem Jahr 2007 in der Pfadi Reinach und habe hier seitdem sehr viel erlebt und gelernt.

Valerio Waldmann / Rex

Sali zämme 

Ich bi dr Valerio/Rex und ghör jetzt scho stolzi 12 Johr zur Pfadi Rynach. Ahgfange het alles bide Wölfi, zwei Johr hani dörfe während de Lager gmüetlich im Huus pfuse. Denn ischs aber scho ins Zältlager gange zude Pfadis, was mich bis hüte begleitet. Mittlerwiele bini Pfadileiter und das mit voller Freud. Näbst de Pfadi studieri sit däm Johr Wirtschaftsingenieur an dr Fachhochschuel, spiel (wenni nid verletzt bi :P) Football und ab und zueh haui au no ufs Schlagzüg. Was mich jetzt scho die langi Zyt in dr Pfadi ghalte het sind die viele unbezahlbare Erfahrige und Erläbnis wome macht, ganz egal ob im Lager oder nur anere eifache Üebig.

 

Ich freu mi witerhii ufe tolli Zyt mit euch allne. Go Pfadi Rynach ;)

Joel Bauer / Taz

Mi Name isch Taz und ich bi sit 10 Johr bi dr Pfadi drbi. Sit ca 5 Johr au im aktive Leitigsteam. Hauptsächlich verantwortlich bi ich für s ganze Material vo dr Pfadi Rynach. Mitgstalltig und Planig vo de jöhrliche Summerlager ghört au zu mine Ufgobe.

 

In minere Freizit bi ich sportlich ziemlich aktiv und bi für jedi Sportart z' ha.